Sjómannadagurinn á Akureyri

Útgerðir á Akureyri með Samherja hf. (hagnaður fyrir fjármagnsliði og afskriftir árið 2006, 5406 milljónir króna, 23% af veltu) fremstan meðal jafninga, styðja ekki við hátíðahöld vegna Sjómannadagsins, en svo virðist sem það hafi verið gert undanfarin ár. 

Eins og einn sagði, allir kristnir menn ættu að biðja fyrir þeim í kirkjum landsins á sunnudaginn (um leið og söfnunarbaukurinn er látinn ganga).

Til upprifjunar: Kvóti, nánar tiltekið úthlutun varanlegra aflaheimilda til einkaðila og sveitarfélaga byggt á veiðireynslu á þriggja ára tímabili kringum 1980 og ráðgjöf Hafrannsóknarstofnunar (ásamt "mati" sjávarútvegsráðherra) er áhugavert fyrirbæri sem skiptir máli fyrir alla Íslendinga.

Kvótakerfið er komið að leiðarlokum í núverandi mynd, nóg er að fylgjast með þróun verðs á varanlegum aflaheimildum í þorski til að sjá það.  Lesandinn má alveg mynda sér sjálfstæða skoðun, en hvað segist um að verðið sé að nálgast 3000 kr/kg af óveiddum fiski OG verið er að skera niður heildaraflaheimild.  Hver maður sér að verið er að kaupa eitthvað meira en réttinn til að veiða nákvæmlega það sem kemur upp með veiðarfærinu.

Til er lausn á þessu sem heitir reitaskipt uppboðskerfi á koltvíoxíðkvóta, RUKK.