Virðing Alþingis og Alþingismanna

„Það er mjög gaman að hafa fengið að upplifa það Alþingi sem var og hét þegar virðing þess var sem mest. Viðbyggingin var ekki komin, starfsfólk þingsins ávarpaði ekki þingmenn. Og það fylgdi því mikil virðing að vera alþingismaður. Síðan hefur þetta breyst mikið og andrúmsloftið og öll umgjörðin finnst mér orðin allt öðruvísi. Eftir að fjölmiðlar byrjuðu að sparka meira í þingmenn þá finnst mér viðhorf starfsmannanna líka breytast. Það þykir mér óskaplega leiðinlegt og það er eins og þessar gömlu, góðu hefðir þingsins hafi ekki skilað sér nógu vel inn í nútímann. Starfsmenn þingsins eiga að sjá til þess að allar hefðir séu í heiðri hafðar en nú er þetta orðið allt of frjálslegt fyrir minn smekk.“ VH

Athugasemdir

[Predikarinn - Cacoethes scribendi , 7.3.2014 kl. 20:47]

Þetta er víðast hvar um heiminn prótókoll að starfsmenn ávarpa ekki þingmenn eða ráðherra af fyrra bragði. Sömuleiðis ekki bifreiðastjórar slíkra, en fara út og opna dyr viðkomandi til að hleypa viðkomandi út úr bifreiðinni úr aftursætinu nær gangstéttinnis , aldrei framsæti eins og hér virðist orðin lenska.

Hérna er virðingarleysið þannig að bifreiðastjórar fyrirmenna hreyfa ekki rassgatið á sér og ráðherrar sem aðrir verða að opna hurðir sjálfir til að komast út úr bifreiðunum.

Þetta er auðvitað ekki erfitt eða neitt slíkt, en öll virðing og andakt fer smátt og smátt af öllu ef byrjað er á þessu. Það hefur einmitt heyrst af undrun ráðamann annarra ríkja þegar þeir sjá þetta og finnst það virðingarleysi.

Þetta ber því einnig vott að viðkomandi maður sem gegnir embættinu sýnir því ekki tilhlýpilega virðingu. Að bera ekki virðingu fyrir embætti sínu er ekki gott veganesti.